1.1. Xustifique se é verdadeira ou falsa a seguinte afirmación: as combinacións de números cuánticos (2, 1, 0, -1) e (3, 0, 1, 1/2) son posibles para un electrón nun átomo.
1.2. Razoe que xeometría presenta a molécula de diclorometano (CH₂Cl₂) aplicando a teoría de repulsión dos pares de electróns da capa de valencia (TRPECV) e discuta a polaridade da molécula.

Explique razoadamente os seguintes feitos:
2.1. O sal común (NaCl) funde a 801 °C mentres que o cloro é un gas a 25 °C.
2.2. O cloruro de sodio sólido non conduce a electricidade e o ferro si.

3.1. Das seguintes substancias: PO₄³⁻, HNO₂ e HCO₃⁻, unha é ácida, outra básica e outra anfótera segundo a teoría de Brönsted-Lowry. Razoe cal é cada unha escribindo os equilibrios que así o demostren.
3.2. Complete as seguintes reaccións indicando o tipo de reacción e nomeando os produtos que se forman:
Propan-2-ol + KMnO₄, H⁺ → ________________
CH₃-CH=CH₂ + Br₂ → ________

Considere o seguinte equilibrio que ten lugar a 150 °C: I₂(g) + Br₂(g) ⇌ 2IBr(g) cunha Kc = 120. Nun recipiente de 5,0 L de capacidade introdúcense 0,0.015 moles de iodo e 0,0.015 moles de bromo, calcule:
4.1. A concentración de cada especie cando se alcanza o equilibrio.
4.2. As presións parciais e a constante Kp.

Dada a seguinte reacción: H₂S + NaMnO₄ + HBr → S + NaBr + MnBr₃ + H₂O
5.1. Axuste a ecuación iónica polo método ión-electrón e escriba a ecuación molecular completa.
5.2. Calcule os gramos de NaMnO₄ que reaccionarán con 32 g de H₂S; se se obtiveron 61,5 g de MnBr₃ calcule o rendemento da reacción.

O produto de solubilidade, a 20 °C, do sulfato de bario é 8,7·10⁻¹¹. Calcule:
6.1. Os gramos de sulfato de bario que se poden disolver en 0,25 L de auga.
6.2. Os gramos de sulfato de bario que se poden disolver en 0,25 L dunha disolución 1 M de sulfato de sodio, considerando que este sal está totalmente disociado.

Prepáranse 100 mL dunha disolución de HCl disolvendo, en auga, 10 mL dun HCl comercial de densidade 1,19 g·mL⁻¹ e riqueza 36 % en peso. 20 mL da disolución de ácido preparada valóranse cunha disolución de NaOH 0,8 M.
7.1. Calcule a concentración molar da disolución de ácido valorada, escriba a reacción que ten lugar na valoración e calcule o volume gastado da disolución de NaOH.
7.2. Indique o procedemento a seguir no laboratorio para a valoración do ácido indicando o material e reactivos.

8.1. Explique como construiría no laboratorio unha pila galvánica empregando un eléctrodo de aluminio e outro de cobre, indicando o material e os reactivos necesarios.
8.2. Indique as semirreaccións que teñen lugar en cada eléctrodo, a ecuación iónica global e calcule a forza electromotriz da pila.
Datos: E°(Cu²⁺/Cu)= +0,34 V; E°(Al³⁺/Al)= −1,67 V