1.1. Explique razoadamente cal das seguintes configuracións electrónicas corresponde a un estado excitado, cal a un estado fundamental e cal sería un estado prohibido.
(i) 1s²2s²2p⁶3s²3p⁶4s² (ii) 1s²2s³2p⁶3s² (iii) 1s²2s²2p⁶3p¹
1.2. Xustifique o feito de que a molécula de CO₂ sexa apolar mentres que a molécula de H₂O é polar.

2.1. Explique razoadamente por que a 1 atm de presión e 25 °C de temperatura, o H₂S é un gas e o H₂O un líquido.
2.2. Escriba a reacción que sucede cando o 2-metil-1-buteno reacciona con HCl, dando lugar a dous haloxenuros de alquilo. Nomee os compostos obtidos e indique razoadamente se algún deles presenta isomería óptica.

3.1. Explique razoadamente, escribindo as correspondentes reaccións, que sucederá se engadimos limaduras de ferro a unha disolución de Cu²⁺(ac).
3.2. A ecuación da velocidade da seguinte reacción 2NO(g) + 2H₂(g) → N₂(g) + 2H₂O(g) vén dada pola seguinte expresión: v = k·[NO]²·[H₂]. Indique a orde total da reacción e deduza as unidades da constante da velocidade.

Disólvense 46 g de ácido metanoico, HCOOH, en 10 L de auga, obtendo unha disolución de pH igual a 2,52.
4.1. Calcule o grao de disociación do ácido.
4.2. Determine a constante Ka do ácido e a constante Kb da súa base conxugada.

A solubilidade do difluoruro de bario (BaF₂) en auga pura a 25°C é 1,30 g/L. Calcular á devandita temperatura:
5.1. O produto de solubilidade do difluoruro de bario.
5.2. A solubilidade do difluoruro de bario, en moles/L, nunha disolución acuosa 1,0 M de cloruro de bario totalmente disociado.

Nun recipiente pechado de 5 L, no que previamente se fixo o baleiro, introdúcense 0,4 moles de SO₂Cl₂ e quéntase a 400°C, descompoñéndose segundo a reacción: SO₂Cl₂(g) ⇌ SO₂(g) + Cl₂(g).
Cando se alcanza o equilibrio, obsérvase que se descompuxo o 36,5% do SO₂Cl₂ inicial. Calcule:
6.1. As presións parciais de cada compoñente da mestura no equilibrio.
6.2. O valor de Kc e Kp á devandita temperatura.

Tómanse 30,0 mL dunha disolución 6,0 M de HCl e dilúense con auga ata un volume final de 250 mL. 25,0 mL desta disolución diluída necesitaron 20,0 mL dunha disolución de hidróxido de calcio para a súa neutralización.
7.1. Escriba a reacción que ten lugar e calcule a molaridade da disolución da base.
7.2. Nomee e debuxe o material necesario e indique o procedemento empregado para a valoración.

Disólvense 3,0 g de SrCl₂ en 25 mL de auga e 4,0 g de Li₂CO₃ noutros 25 mL de auga. A continuación, mestúranse as dúas disolucións, levándose a cabo a formación dun precipitado do que se obteñen 1,55 g.
8.1. Escriba a reacción que ten lugar, identificando o precipitado, e calcule o rendemento da mesma.
8.2. Describa o procedemento que empregaría no laboratorio para separar o precipitado obtido, debuxando a montaxe e o material que precisa empregar.