PREGUNTA 1. NORMALIZACIÓN e DOCUMENTACIÓN GRÁFICA de PEZA (2,25 puntos). Nun taller de xoiería na localidade de Bergondo, preto da Coruña, deséñase unha peza en ouro. A partir da perspectiva cabaleira con coeficiente de redución 1:1/2:1, debredes elaborar os planos de fabricación en Sistema Diédrico Europeo con polo menos unha planta e dous alzados, á mesma escala que a cabaleira. Sabendo que a altura real da peza é de 26mm, indique a escala da planta e dos planos.

PREGUNTA 2. FUNDAMENTOS XEOMÉTRICOS (2,25 puntos). A partir da recta de referencia e do punto O, resolva un dos apartados seguintes: 2.1.- Debuxe unha hipérbole e as súas asíntotas cuxa distancia focal F1-F2= 11cm, e a distancia entre os vértices A e B é de 7cm. 2.2.- Coñecida a distancia focal F1-F2= 13cm e o punto P da elipse de centro O, debuxe a elipse e a tanxente en P.

PREGUNTA 3. XEOMETRÍA PROXECTIVA - SISTEMA DIÉDRICO (2,25 puntos). Dada a proxección horizontal dun octaedro cun vértice apoiado no plano horizontal e a recta r, debuxe a súa proxección vertical e resolva un dos apartados seguintes: 3.1.- Calcule a intersección coa recta r. Indique partes vistas e ocultas. 3.2.- Debuxe a sección producida por un plano proxectante vertical que conteña a recta r. Debuxe a verdadeira magnitude da sección.

PREGUNTA 4. XEOMETRÍA PROXECTIVA - SISTEMA DIÉDRICO/SISTEMA AXONOMÉTRICO (2,25 puntos). Dadas as proxeccións diédricas da figura, resolva un dos apartados seguintes: 4.1.- Debuxe a perspectiva lineal de plano de cadro vertical π, punto de vista V, liña de horizonte e terra LH e LT e punto D. Escala de realización E:2/1. 4.2.- Acoute a peza. Debuxe a isometría sen coeficientes de reducción ao dobre de tamaño. A orixe dos eixes é o punto O. A altura real da peza é de 7m. Indique a escala das proxeccións diédricas e da isometría.