PREGUNTA 1. Responda brevemente dous dos catro apartados seguintes (1,25 puntos por apartado).

1.1. Que é o contorno xeral da empresa? Enumere dous factores do dito contorno.

1.2. En que consiste a estratexia de crecemento por especialización? Poña un exemplo.

1.3. Que se entende por estrutura organizativa funcional? Indique unha vantaxe e un inconveniente.

1.4. Diferencie entre eficiencia técnica e económica.

PREGUNTA 2. Responda brevemente dous dos catro apartados seguintes (1,25 puntos por apartado).

2.1. Distinga entre demanda de mercado e cota de mercado. Poña un exemplo.

2.2. Defina os elementos do tributo: feito impoñible, base impoñible e tipo impositivo.

2.3. Que se entende por financiamento interno ou autofinanciamento? Distinga os dous compoñentes.

2.4. Que mide a produtividade? Distinga produtividade dun factor e produtividade global.

PREGUNTA 3. Responda brevemente dous dos catro apartados seguintes (1,25 puntos por apartado).

3.1. Como se clasifican as empresas segundo o sector da actividade empresarial? Poña un exemplo.

3.2. Cales son os dous factores que identifica Herzberg na súa teoría sobre a motivación?

3.3. Que se entende por marca? Enumere dúas estratexias de marca.

3.4. Que son os factores de localización empresarial? Enumere dous factores de localización industrial.

PREGUNTA 4. Resolva o seguinte problema:

A valoración (en euros) dos elementos que constitúen o patrimonio dunha empresa é a seguinte:

• Reservas: 6.000
• Préstamo banco a longo prazo: 5.800
• Maquinaria: 3.000
• Mercadorías: 2.800
• Construcións: 6.500
• Provedores: 6.000
• Propiedade industrial: 8.000
• Clientes: 1.500
• Bancos: 800

Partindo destes datos, pídese:

a) Clasifique o balance en masas patrimoniais e calcule a cifra de capital. (1 punto)

b) Determine o valor do fondo de manobra de dúas formas distintas. (1 punto)

c) Comente a situación financeira da empresa a curto prazo. (0,5 puntos)

PREGUNTA 5. Resolva o seguinte problema:

Unha empresa que comercializa portas está a xestionar as existencias dun modelo novo de portas no mes de febreiro, tendo ao comezo do mes unhas existencias de 100 portas a 120 €/porta. Durante o mes producíronse os seguintes movementos deste produto:

• 7 de febreiro: venda de 60 portas.
• 11 de febreiro: compra de 200 portas a 135 €/porta.
• 21 de febreiro: venda de 150 portas.
• 24 de febreiro: compra de 260 portas a 142 €/porta.

Pídese:

a) Confeccione a ficha de almacén utilizando o método FIFO. (1 punto)

b) Confeccione a ficha de almacén empregando o método do Prezo Medio Ponderado (PMP). (1 punto)

c) Comente os resultados dos apartados anteriores. (0,5 puntos)

PREGUNTA 6. Resolva o seguinte problema:

Considere dous proxectos de investimento, que xeran os fluxos de caixa que figuran na táboa (valores en euros):

a) Calcule o prazo de recuperación de cada proxecto. (1 punto)

b) Determine o Valor Actualizado Neto de cada proxecto, supondo que a taxa de desconto é do 5 % anual. (1 punto)

c) A partir dos resultados dos apartados anteriores, xustifique cal dos dous proxectos sería preferible. (0,5 puntos)