PREGUNTA 1. Interacción electromagnética. Responda indicando e xustificando a opción correcta. (2 puntos)

1.1. Unha partícula posúe unha carga de 5 nC e penetra nunha rexión do espazo onde hai un campo magnético $\vec{B} = 0{,}6\,\hat{\imath}$ T cunha velocidade $\vec{v} = 8\times 10^{6}\,\hat{\jmath}\ \mathrm{m\cdot s^{-1}}$, describindo unha circunferencia de 2 μm de raio. O valor da masa da partícula é: a) $7{,}5\times 10^{-22}$ kg; b) $4{,}5\times 10^{-22}$ kg; c) $2{,}5\times 10^{-22}$ kg.

1.2. Nunha rexión do espazo na que o potencial eléctrico é constante a intensidade de campo eléctrico é: a) constante; b) nula; c) ten un valor que depende do punto considerado.

PREGUNTA 2. Ondas e óptica xeométrica. Responda indicando e xustificando a opción correcta. (2 puntos)

2.1. A velocidade dunha onda nun punto do espazo: a) varía coa fase na que se atope o punto; b) varía coa distancia do punto á orixe; c) varía ao cambiar o medio de propagación.

2.2. O período dun péndulo é de 1 s. Se duplicamos a lonxitude do péndulo, o novo valor do período será: a) $1/2$ s; b) $\sqrt{2}$ s; c) $2$ s.

PREGUNTA 3. Física do século XX. Responda indicando e xustificando a opción correcta. (2 puntos)

3.1. Ilumínase o cátodo dunha célula fotoeléctrica cunha radiación de frecuencia $1{,}6\times 10^{15}$ Hz e o potencial de freado é de 2 V. Se usamos unha luz de 187,5 nm, o potencial de freado será: a) menor; b) maior; c) igual. DATO: $c = 3{,}0\times 10^{8}$ m·s$^{-1}$.

3.2. Unha nave espacial viaxa a unha velocidade uniforme $0{,}866\,c$ relativa á Terra. Se un observador da Terra rexistra que a nave en movemento mide 100 m, canto medirá a nave para o seu piloto?: a) 50 m; b) 100 m; c) 200 m. Nota: $c$ é a velocidade da luz no baleiro.

PREGUNTA 4. Práctica de interacción gravitacional. (2 puntos)

a) A partir dos seguintes datos de satélites que orbitan arredor da Terra determine o valor da masa da Terra. b) Se o valor indicado nos libros de texto para a masa da Terra é de $5{,}98\times 10^{24}$ kg, que incerteza relativa obtivemos a partir do cálculo realizado?

DATO: $G = 6{,}67\times 10^{-11}$ N·m$^{2}$·kg$^{-2}$.

Datos dos satélites:

PREGUNTA 5. Problema de interacción gravitacional. (2 puntos)

Unha nave sitúa un obxecto de 20 kg de masa entre a Terra e o Sol nun punto onde a forza gravitatoria neta sobre o obxecto é nula. Calcule nese punto: a) a distancia do obxecto ao centro da Terra; b) a aceleración da Terra debida á forza que o obxecto exerce sobre ela.

DATOS: $G = 6{,}67\times 10^{-11}$ N·m$^{2}$·kg$^{-2}$; $M_{T} = 5{,}98\times 10^{24}$ kg; $M_{S} = 2{,}00\times 10^{30}$ kg; distancia Terra-Sol $= 1{,}50\times 10^{11}$ m.

PREGUNTA 6. Problema de interacción electromagnética. (2 puntos)

Unha carga eléctrica puntual de valor $Q$ ocupa a posición $(0,0)$ do plano XY no baleiro. Nun punto $A$ do eixo $X$ o potencial eléctrico é $V = -120$ V e o campo eléctrico é $\vec{E} = -80\,\hat{\imath}$ N/C. Se as coordenadas están dadas en metros, calcule: a) a posición do punto $A$ e o valor de $Q$; b) o traballo que realiza a forza eléctrica do campo para levar un electrón desde o punto $B(2,2)$ ata o punto $A$.

DATOS: $K = 9\times 10^{9}$ N·m$^{2}$·C$^{-2}$; $|q_{e}| = 1{,}6\times 10^{-19}$ C.

PREGUNTA 7. Problema de ondas e óptica xeométrica. (2 puntos)

Unha coleccionista de moedas utiliza unha lupa de distancia focal 5 cm para examinalas polo miúdo. a) Calcule a distancia á que ten que situar as moedas respecto da lupa se quere observalas cun tamaño dez veces maior. b) Represente aproximadamente o correspondente diagrama de raios, indicando as posicións e as características do obxecto e da imaxe.

PREGUNTA 8. Problema de física do século XX. (2 puntos)

Marie Curie recibiu o Premio Nobel de Química en 1.911 polo descubrimento do radio. Se nese mesmo ano se gardasen no seu laboratorio 2,00 g de radio-226, calcule: a) a cantidade de radio que quedaría e a actividade da mostra na actualidade; b) os anos que pasarían ata que a mostra de radio se reducise ó 1 % do seu valor inicial.

DATOS: $N_{A} = 6{,}02\times 10^{23}$ partículas·mol$^{-1}$; tempo de semidesintegración do radio $= 1{,}59\times 10^{3}$ anos.