PREGUNTA 1. SOCIEDADES NO TEMPO: REFLEXIÓN CRÍTICA DE FONTES DE INFORMACIÓN (2,5 puntos)

Este curso vostede incorpórase á redacción da revista do seu instituto como encargado/a da sección de divulgación histórica e os/as seus compañeiros/as explícanlle que xa dispoñen dalgún texto elaborado a partir dunha páxina web. Como a páxina consultada carece de referencias bibliográficas, pídenlle que se encargue de revisar o seguinte texto sobre a Ilustración en España, para detectar, explicar e rectificar posibles erros.

TEXTO PARA REVISAR:

Carlos III foi o monarca que impulsou o despotismo ilustrado en España, promovendo numerosas reformas co obxectivo de mellorar a economía e racionalizar as estruturas políticas. Entre as principais medidas adoptadas no seu reinado destaca a liberalización do comercio con América, ao acabar co monopolio español e permitir as viaxes desde os principais portos europeos, o que ía provocar un importante crecemento dos tráficos. As súas medidas tamén se orientaron ao fomento da educación e da cultura, outro dos grandes obxectivos do monarca. Entre elas destaca a creación das Sociedades Económicas de Amigos do País, destinadas a facilitar o acceso á ensinanza universitaria a mozos con escasos recursos.

Responda estes tres apartados:

1.1. Identifique as informacións erróneas. (0,5 puntos)

1.2. Explique os erros detectados. (1,5 puntos)

1.3. Proceda á súa redacción correcta. (0,5 puntos)

PREGUNTA 2. O CAMIÑO CARA Á CONTEMPORANEIDADE. DAS REVOLUCIÓNS LIBERAIS AO TARDOFRANQUISMO. ANÁLISE COMPARATIVA (2,5 puntos)

Vostede comeza a traballar nunha radio local que ten previsto realizar unha serie de podcasts sobre a Historia de España. A directora do programa explícalle que a súa intención é ofrecer aos seus oíntes contidos que vaian máis aló dos enfoques tradicionais para presentar os temas desde perspectivas máis razoadas e comparativas. A xefa de redacción encárgalle que presente unha análise comparativa a xeito de exemplo para futuros guións.

Responda un destes dous apartados:

2.1. Compare as características dos partidos Conservador e Liberal durante a Restauración. (2,5 puntos)

2.2. Compare as formas de oposición desenvolvidas polos maquis e polo movemento obreiro durante a ditadura franquista. (2,5 puntos)

PREGUNTA 3. O CAMIÑO CARA Á CONTEMPORANEIDADE. DAS REVOLUCIÓNS LIBERAIS AO TARDOFRANQUISMO. COMENTARIO DE TEXTO HISTÓRICO (2,5 puntos)

Atendendo aos seguintes criterios:

• Identificación do tema. (0,5 puntos)
• Contextualización do documento. (0,5 puntos)
• Comentario do proceso histórico/tema que se reflicte no documento. (1,5 puntos)

Responda un destes dous apartados:

3.1. Doc.1. Manifesto dos Persas (1.814):
«Señor; era costume dos antigos persas pasar cinco días de anarquía despois do falecemento do seu rei, a fin de que a experiencia dos asasinatos, roubos e outras desgrazas os obrigase a ser máis fieis ao seu sucesor. Para selo España a VM non necesitaba igual ensaio en seis anos da súa catividade […]; mais, como en ausencia de VM se mudou o sistema […] e nos achamos á fronte da nación nun Congreso que decreta o contrario do que sentimos […], cremos un deber manifestar que […] a monarquía absoluta […] é unha obra da razón e da intelixencia: está subordinada á lei divina, á xustiza e ás regras fundamentais do Estado. […] Non podendo deixar de pechar este respectuoso Manifesto […] coa protesta de que se estime sempre sen valor esa Constitución de Cádiz e por non aprobada por VM». (2,5 puntos)

3.2. Doc.2. Declaración ao país efectuada pola Xunta de Defensa Nacional (1.936):
«Basta! Fronte ao marxismo, España; fronte á anarquía, a lei, e encher o abismo odioso que separaba os españois cos froitos benfeitores dunha sólida obra de goberno que asente a solidariedade nacional baixo unha autoridade inflexible, que impoña a orde pública, que asegure a paz e propulse as desmaiadas enerxías da economía […]. Ditas están as causas e insinuados os propósitos deste levantamento nacional, no que o Exército, cerebro, corazón e brazo, enriquece a grandeza da súa acción co sangue popular, que voluntariamente se incorpora ás filas dos salvadores de España». (2,5 puntos)

PREGUNTA 4. O MODELO DE DESENVOLVEMENTO ECONÓMICO ESPAÑOL. RETOS DO MUNDO ACTUAL. COMENTARIO DE TÁBOAS DE DATOS (2,5 puntos)

Atendendo aos seguintes criterios:

• Análise dos datos da táboa. (1 punto)
• Explicación do contido. (1,5 puntos)

Responda un destes dous apartados:

4.1. Valores das exportacións mineiras e metalúrxicas españolas (en miles de pesetas) (2,5 puntos)

4.2. Distribución da poboación activa masculina por sectores (en porcentaxes) (2,5 puntos)