Un nutrido grupo de turistas, recentemente chegados á cidade, decidiron contratar os servizos dunha empresa turística para preparar unha visita exclusiva a aqueles lugares de maior valor patrimonial. Ao estudar o perfil dos seus clientes, a responsable da empresa comprobou que ningún dos visitantes ten coñecementos específicos sobre historia da arte, polo que pensou en deseñar un programa específico no que, antes de iniciar a visita, poidan familiarizarse con algúns conceptos propios da disciplina. Para iso, seleccionou catro imaxes coas que quere elaborar un glosario de definicións. Pídelle a vostede, como alumno/a en prácticas, que elabore este glosario con catro termos, un por imaxe, proporcionando unha breve definición dos mesmos e indicando as razóns da súa relevancia para a comprensión da obra. (0,50 puntos por concepto).

Na redacción dun coñecido programa de televisión, decidiuse dar cobertura á noticia da publicación de dous libros dedicados á Escultura do Renacemento en Italia e á Pintura do Barroco en Europa. Á devandita noticia só se lle poderá dedicar un espazo de tres minutos e só poderán centrarse nun dos libros, polo que se acorda que, no guión do programa, a extensión do artigo divulgativo sexa, como máximo, de 400 palabras. A redactora xefe do programa decide encargarlle a Vde. como documentalista, a selección e a redacción da noticia. Analice unha das dúas obras propostas (Escultura do Renacemento en Italia ou Pintura do Barroco en Europa).

Analice unha destas dúas obras (Partenón de Atenas ou Matrimonio Arnolfini de Jan van Eyck), atendendo a: 1. Identificación: título, autor, cronoloxía, estilo, movemento (0,75 puntos); 2. Encadramento no contexto histórico-artístico (0,75 puntos); 3. Tratamento formal, iconolóxico e estilístico (1,5 puntos).

Analice unha destas dúas obras (Impresión, sol nacente de Claude Monet ou A columna rota de Frida Kahlo), atendendo a: 1. Identificación: título, autor, cronoloxía, estilo, movemento (0,75 puntos); 2. Encadramento no contexto histórico-artístico (0,75 puntos); 3. Tratamento formal, iconolóxico e estilístico (1,5 puntos).