1.1. Nomee os seguintes compostos e xustifique se presentan algún tipo de isomería e de que tipo:
CH₃-CHOH-COH
CH₃-CH₂-CH=CH-CH₂-CH₃
1.2. Complete as seguintes reaccións, identificando o tipo de reacción e nomeando os compostos orgánicos que se forman:
CH₃-CH₂-COOH + CH₃-CH₂OH → ________ + _______
CH₄ + Cl₂ → ______ + _______

2.1. Xustifique se a seguinte afirmación é verdadeira ou falsa: Unha disolución acuosa de NH₄Cl ten carácter ácido.
2.2. Os elementos A, B, C e D teñen números atómicos 19, 16, 1 e 9, respectivamente. Razoe que compostos se formarán entre B e C e entre D e A indicando o tipo de enlace.

3.1. Para a reacción en equilibrio: N₂(g) + 3H₂(g) ⇌ 2NH₃(g) ΔH°<0; explique razoadamente como se desprazará o equilibrio se se engade H₂(g).
3.2. Empregando a teoría de repulsión de pares de electróns da capa de valencia (TRPECV) razoe cal será a xeometría e a polaridade das moléculas BeI₂ e CHCl₃.

Reaccionan 4,0 mL dunha disolución 0,1 M de KMnO₄ con 10,0 mL dunha disolución de ioduro de potasio en presenza de ácido clorhídrico para dar I₂, cloruro de manganeso(II), cloruro de potasio e auga.
4.1. Axuste as ecuacións iónica e molecular polo método do ion-electrón.
4.2. Calcule a concentración da disolución de ioduro de potasio.

Sabendo que Kb(NH₃) = 1,78·10⁻⁵, calcule:
5.1. A concentración que debe ter unha disolución de amoníaco para que o seu pH sexa 10,6.
5.2. O grao de disociación do amoníaco na disolución.

Nun recipiente pechado introdúcense 2,0 moles de CH₄ e 1,0 mol de H₂S á temperatura de 727 °C, establecéndose o seguinte equilibrio: CH₄(g) + 2H₂S(g) ⇌ CS₂(g) + 4H₂(g). Unha vez alcanzado o equilibrio, a presión parcial do H₂ é 0,20 atm e a presión total é de 0,85 atm. Calcule:
6.1. Os moles de cada sustancia no equilibrio e o volume do recipiente.
6.2. O valor de Kc e Kp.

No laboratorio mestúranse 20,0 mL dunha disolución 0,03 M de cloruro de bario e 15 mL dunha disolución 0,1 M de sulfato de cinc.
7.1. Escriba a reacción que ten lugar e calcule o rendemento se se obtiveron 0,10 g de sulfato de bario.
7.2. Describa o procedemento e indique o material que empregaría para separar o precipitado.

8.1. Faga un esquema indicando o material e os reactivos que se necesitan para construír no laboratorio unha pila que ten a seguinte notación: Cu(s) | Cu²⁺(ac, 1 M) || Ag⁺(ac, 1 M) | Ag(s)
8.2. Escriba as semirreaccións que se producen no ánodo e no cátodo e indique as súas polaridades. Escriba a reacción iónica global e calcule a forza electromotriz da pila.
Datos: E°(Cu²⁺/Cu)= +0,34 V; E°(Ag⁺/Ag)= +0,80 V