1.1. Ordene os seguintes elementos razoadamente en orde crecente do potencial de ionización: C, Be, K, N e F.
1.2. Indique razoadamente cales das seguintes especies conducen a corrente eléctrica: un fío de Cu, un cristal de LiF e unha disolución acuosa de NaCl.

2.1. En base á teoría de repulsión dos pares de electróns da capa de valencia xustifique a xeometría electrónica e molecular do H₂Se, e discuta razoadamente se ten ou non momento dipolar.
2.2. Sabendo que a molécula de H₂O ten xeometría electrónica tetraédrica e molecular angular: prediga razoadamente o valor do ángulo de enlace, indique que orbitais híbridos empregará o átomo de osíxeno para formar os enlaces na molécula, indicando como se forman os ditos orbitais.

3.1. Nomee os seguintes compostos e razoe se algún deles presenta isomería xeométrica.
[Se adjuntan as fórmulas no PDF: i) CH₃-C(=O)-NH-CH₃, ii) CH₃-CH₂-CH₂-CH₃ con OH, iii) H₂N-C(=O)-OH, iv) HO-C(=O)-CH=CH-Cl]
3.2. Explique razoadamente que sucederá se introducimos unha vara de Zn nunha disolución 1,0 M de nitrato de cobre(II).
Datos: E°(Cu²⁺/Cu) = +0,34 V e E°(Zn²⁺/Zn) = -0,76 V

Prepárase unha disolución acuosa de ácido cianhídrico, HCN, disolvendo 0,67 g do ácido nun volume final de disolución de 500 mL. Se o pH da disolución resultante é de 4,9, calcule:
4.1. O valor do grao de ionización do ácido.
4.2. O valor da constante do ácido (Ka) e o valor da constante da súa base conxugada (Kb).
Datos: Kw = 1,0·10⁻¹⁴

Prepárase unha disolución saturada de hidróxido de bario en auga a 25°C, alcanzándose un valor de pH = 11.
5.1. Calcule a cantidade máxima en g de hidróxido de bario que se pode disolver en 2 L de auga.
5.2. Determine o valor do produto de solubilidade e discuta razoadamente como afectará á solubilidade do hidróxido de bario a adición de BaCl₂, considerando que este sal está completamente disociado.
Datos: Kw = 1,0·10⁻¹⁴

Introdúcese nun reactor 0,5 moles de SbCl₅(g) a 25°C, e tras alcanzar o seguinte equilibrio, SbCl₅(g) ⇌ SbCl₃(g) + Cl₂(g), obtéñense 0,15 moles de Cl₂(g), sendo a presión total de 3 atm. Calcule:
6.1. A presión parcial de cada gas no equilibrio.
6.2. O valor de Kp e Kc.
Datos: R = 0,082 atm·L·K⁻¹·mol⁻¹

Nun laboratorio disponse dunha disolución acuosa de 100 mL de HCl 2,0 M e outra de 100 mL de NaOH 2,0 M.
7.1. Calcule o valor da entalpía de neutralización expresado en kJ/mol, cando se mesturan ambas disolucións, sabendo que o incremento de temperatura que se produce é de 12°C. Datos: considere depreciable a capacidade calorífica do calorímetro: calor específico(mestura) = calor específico(auga) = 4,18 J/g°C; densidades das disolucións do ácido e da base = 1,0 g/mL.
7.2. Describa o procedemento que se debe levar a cabo indicando o material necesario para determinar a entalpía de neutralización.

Mestúranse 40 mL dunha disolución 0,1 M de cloruro potásico con 30 mL doutra disolución 0,1 M de nitrato de chumbo(II), e obtéñense 0,48 g dun precipitado de cloruro de chumbo(II) de cor branca.
8.1. Escriba a reacción completa que ten lugar e calcule a porcentaxe de rendemento da reacción.
8.2. Explique o procedemento que empregaría para separar o precipitado formado mediante unha filtración a baleiro, indicando o material a empregar e debuxando a montaxe a utilizar.